كتب: نبيل ابو سل

في ناس بيكون عندها الذكاء العاطفي عالي جدا، وبيحسوا بالوحده مش عشان ما عندهم ناس حواليهم، لكن لأنهم واعيين زيادة عن اللزوم.

في علم النفس هاي الحالة يطلق عليها لعنة الوعي الزائد، هاي الناس مش بس بيحسوا، هم بيشوفوا و بيلاحظوا و بيتحسسوا التفاصيل الصغيرة مثل نبرة الصوت تغيرت، رد تأخر، نظرة بردت شوي، و حتى بس ينتهي من أي حوار بيرجع يعيد كل كلمه بالحوار لحاله و السبب مش عشان هم مش واثقين من انفسهم لكن لانهم بيركزوا كثير بالحكي و بيتوقعوا النتيجه قبل ما تصير، و اذا صار اشي بيكونوا عارفين السبب و بيجيهم إحساس انهم هم السبب، هذا اليقظة المفرطة هو ردة فعل نابعة من وجع قديم على الاغلب مرتبط بالطفولة في بيئة كانت فيها مزاجه متقلب و عواطفه مش مفهومه لذلك كان يتجه نحوا الدقه في الملاجظه ليتخذها وسيله للنجاه من أي موقف، و مع الوقت لما كبر استمر يراقب و يفكك كل اشي و ما عنده راحه ابدا.

الوحدة ما بتيجي لانك لحالك لكن لانك ما بتحس بالأمان الكافي ومخك بيكون مبرمج على الهروب من الألم حتى الفرح ممكن تخاف منه.