22-01-2026 10:55 PM
الدكتورة شروق ابو حمور
لما بتشوف تفاصيلها باختك وابن اختك بتفهم كثير اوضح مشاعر ناس حكولك شو صار؟
شو صار بعد ما مات؟
كلنا راح نموت والموت نتيجة حتمية ونهاية معروفة،بس الطريقة الي بنموت فيها بتفرق.
موت الكبير بيفرق عن موت الصغير.
والموت الفجأة بيفرق عن موت مقدمته فترة علاج وانتظار.
بس لما بيموت شب صغير بحادث سير راح تشوف تفاصيل من نوع مختلف!!!
راح تشوف انسان دعس شخص بريء ذنبو انو صحي الصبح بكير يروح شغلو ويقطع الشارع ولكن السايق قرر يقطع عليه مشوار حياتو :
فرحتو انو يشوف بنتو بتنجح بالتوجيهي.
ينبسط وهو بستنى باخر ايام وبيعد متى بدو يتقاعد وشو بدو يعمل.
زيارة اختو الي وعدها فيها.
وامو الي بتستنى تلفونو كل يوم يطمن عليها ويسألها شو الاخبار.
وبعد الدعس مصاريف علاج وديون عشان هاي مسؤولية الي دعس واهلو!!!!
ورحلة علاج مدتها ايام ومرات شهور والوجع الكبير لما تكون النهاية موت!!!!
صرخة زوجة كيف بدها تكمل !!!
والبنت بتحكي لصاحباتها كيف بدي أعيش وانجح من غير بابا!!
وأم أصعب شي تشوف ابنها بموت قدام عيونها وهو مبارح كان بجنبها.!
قالت أنا بحلم مش مصدقة يعني أنا كيف عقلي بدو يستوعب موت الحنون !!!
ودعوات من هون وهناك "منو لله يتم ولادنا وجهد بلانا"!!!
بس زوجتو قالتلهم :
"ترى المرحوم ناداه وسامحو" !!!
وقصة بتكمل بعقدة ذنب راح تعيش مع سايق مسرع بكل لحظة بتذكر تفاصيل الكسر والجرح والكفن واليتم والقهر والدمع.
ويمكن يختلط هلذنب بحقد لانو دفع واتحمل تكاليف وطلب من ابو وأخو يساعدو!!
وكل هلسيناريو ما كان راح ينكتب واليتم والقهر والدمع بس لو عدّادّك كان ممكن يضبطو لو كان بدل 150 على كوربا بس 40
!متى بدنا نضبط عدّاد سياراتنا وعدّاد ضمائرنا ؟
الرجاء الانتظار ...